Dang yang ka sorkar ya ka bui takit hajrong i lait tooh ki kylli yutip ka Exam MTET

Shillong: Ka sorkar jylla dang yang ko ya ka bui na ka takit hajrong i lait tooh ki kot kylli yutip (Question Paper) ha ka exam thung kreh Meghalaya Teacher’s Eligibility Test (MTET) wa dang ini wadep, heiwa da em leh kiwa ujor pyrchah hajrong kani ka kaam.

U Montri wa pait ya ka puræ puthi ka jylla, u Lahkmen Rymbui da ong u yeini deiwa ong wa ka sorkar da thung ko da ka Fact Finding Committee wa da khlieh da u Commissioner Secretary ka chnat wow chem yeiwa sakhiat wei katni ka sorkar dang yang ko ya ka bui wa chem kani ka Committee.

U Lahkmen da ong u leh wa ka ya kini ki kot kylli yutip da phah chon (print) da ka Neicom Impression kawa em ha Guwahati wei da pynkit cha Shillong hapyrdi i sonteri wa khlan hadooh wa poi i yung krehkaam Directorate of Education Research & Training.

Ya ini waroh u Lahkmen da ong u hawa jubab yeiwa kylli u MLA ka Congress na Rajaballa u Azad Zaman, uwa da dawa leh wa ka sorkar toh u ekti ko yei takit ha ka CBI neibhah ka Committee wa da thung da ka sorkar ymye ko wow pyndep ya ka takit hapoh 12 sngi kamwa da booh.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ha iwi won i liang u MLA ka Gambegre, u Saleng A Sangma da dawa u na ka sorkar wow pynman biang ko ya kani ka Exam deiwi tawon khnang wa kiwa yaleh hi ym em de ki i artatien wa da lait ki kot kyli yutip.

Hadien wa da yania bha hajrong kani ka kaam, neiliang u Lahkmen da kyntait u wow e kawon kawon ka kular deiwa ong leh wa ka sorkar daw yang bait ko hadooh wa yoh ya kani ka bui chwa wow e ya ka rai.