Jowai: Hadien wa pynbna ya ki tarik Election MP cha ka Lok Sabha, u District Magistrate ka West Jaiñtia Hills katkam ki bor wa da pynkup ha oo da pynkrehkaam u ya ka Section 144 Cr.PC hapoh waroh kawi ka District.
Katkam ka hukum wa da pynmih da khang wow thoh cha ki chram, u biah poster, u pynyeiñ ya ki dur ki kyrtong, ki Banner ha ki thaw paidbah.
Lada toh won ha ki thaw ki bru samen emkaam wow yoh bor na ki tre thaw tre yung wei kamjooh na u District Magistrate.
U booh ya ki Banner cha luti synkeiñ da khang ya ki.
Ym chah u pynman ya ki yalang yalap Election, ki lai paidbah khlem yohbor na ka yung krehkaam u Deputy Commissioner (Election), West Jaiñtia Hills District wa na ki waheh chnong heiyatoh wa i thaw pynman.
I pynemkaam ya ki tanghæng u chah nadooh 06:00 waje i step hadooh 10:00 waje i miet wei ya kiwa leh ya ini khlem yohbor daw kem ya ki tiar ki tar.
Da khang leh wow rah poisa palat T. 50,000 da u kyrtong kamjooh kiwa kyrchaan ya oo.
Kani ka hukum u krehkaam ko chisyndon ha waroh kawi ka West Jaiñtia Hills District hadooh wa kut ka Election.
Discussion about this post