U yakhun MP Election ka NPP ha waroh ki thaw wa yoobiang ko: Conrad

Shillong: U montri rangbah ka jylla u Conrad Sangma uwa man leh u National President ka National People’s Party (NPP) u Conrad K Sangma ynne ka sngi da ong u wa ka NPP u yaleh ko ya kani ka Election MP hajrong ki yong ka hi ki yurim.

Hawa yaklam u wa kiwa thoh khubor hadien wa kut ka dorbar u Conrad da pynche u kdar wa ka NPP ka em hi ko ka yong ka hi i yurim wa i dur i dar wa i thong.

“Ka NPP ka kamni hi jooh yeiñ yaleh Election ko wei ym toh iwa thymme, wei ym em ka yatoh lok chwa ka Election” da ong u Conrad.

“Ha ki jylla wa i sñiaw ye i wow pynyeiñ kyrtong i daw booh hi i wei u yaleh i u pynyeiñ kyrtong ha waroh ki Constituency,” da ong chooh chooh u.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ynnin ka sngi haka yalang wa u BJP General Secretary u Ram Madhav, u NPP National President da ong wa ha kani ka yalang da pyntip u cha ka BJP waka NPP ka em ko i yong ka hi ki yurim wei emkaam wow burom ya ini.

“Daw yakhun ha ki thaw wa yoo biang i.”

Heiyatoh wa ki khubor wa ong wa daw yakhun u naka Tura Lok Sabha Seat pyrchah ya u Dr. Mukul Sangma, u NPP National President ym bien u wow e ka jubab kawa bait.

U Conrad da ong u wa sñiawskem u wa ki paidbah chaniah ki ya ka Party, ki kyrtong wa kiwa yahkhmat yaka wei daw jop lada yaleh ki wa kiwon kiwon ki thaw.