Da hukum ya waroh hapoh EJH wow wan ekti ya ki tiar siat cha ki pulit

Jowai: Kam chibynta wow pyntikna wa ka Election MP hapoh East Jaiñtia Hills wow man ko kawa laibait, u Deputy Commissioner ka District katkam ka kyndon Section 11 Cr.P.C, da hukum u ya waroh kiwa em license tiar siat (Arms Licenses Holder) wow wan ekti ki ya ki tiar siat yong ki chirrup wa ka Xerox Copy yong ki License ha ki Police Station namo ki Police Outpost.

Da khang leh wow rah ya ki tiar siat da uwon uwon u bru namo ki bru hadooh wada kut ka Election wei kani ka hukum da krehkaam ko nadooh wa pynmih ya ka.

Heijooh i por kani ka hukum ym krehkaam ko ya ki pulit, ki chipai wa kiwi ki bru wa da ebor da ka aiñ.