U yachem ka Lawmali waka Assam Rifles haka Final ka 4th Assam Rifles Invitational Football Tournament

Shillong: Ka Lawmali da pynrem ko yaka Smit kawa jop yaka 4th Assam Rifles Invitational Football Tournament ha u snem 2018 deiwa jop ko lyngba ka yachut Tie-breaker da 4-1 kawa pynman ynne ka sngi ha Laitkor.

Kani da man ko ka sien nyngkong wa ka Smit ym em psiah Final ko nadooh u snem 2016, 2017 wa 2018.

Ka Lawmali daw yachem Final ko waka Assam Rifles kawa da jop suk da 8-1 yaka Mawpat haka Semifinal wa ar ynne ka sngi.

Haka yaleh Semifinal wa nyngkong u Will Marbaniang da thap nyngkong u yaka Lawmali haka minit wa 9 katwa ka Smit da ye ko u su kylliang haka minit wa 76 da ka kool na u Banshan Nongdhar.

Related posts

Jop ka Brother FC ya ka Dientharae ha ka 5th Moodymmai Open To All Knockout Football Tournament

January 16, 2025

Sdang ki yalehke ka 6th Meghalaya Games 2025 da ki yalehbol ki chynrang

January 15, 2025

Kamtæ da pynman daka yachut Tie-breaker heiwa ka Lawmali da jop ko da 4-1.

Haka Semifinal wa ar won man ko kawa da thap boon kool heiwa ka Assam Rifles da thap kool wa nyngkong ko haka minit wa 37 lyngba u T Nang Kuki wei da pynbood sa u H Haokip chwa wow kut ka kylla step.

Haka kylla miet won ki kool da thap wut wut kawa sdang da u Lalboi Kipjen haka minit wa 50 lyngba ka Penlaty wei da thap biang u haka minit wa 60. U Haokip da thap ya ka ki ar kool hadien 10 minit katwa u M. Chetry da thap u ar kool haka minit wa 80 wa 84.

Ka Mawpat da yoh ko u thap chi kool haka minit wa 89 lyngba u Batiplang Bamon.

Ka yalehke Final hapyrdi ka Lawmali waka Assam Rifles daw pynman haka JN Stadium, Polo Ground, Shillong haka 16 tarik uni u bnai.