Jowai: Ka seiñ kiwa dai Dohmasi, Jowai, West Jaiñtia Hills District, haka kyrwoh na u Secretary wa u President ka seiñ u Dayoolang Ryngkhlem wa u L. Pyrtuh, ki da ong ki wa daw khang ki wow dai Dohmasi ha ka sngi nyngkong katæ ha ka 18-03-2019, na i daw wa ka seiñ daw em ko yaka yalang General Meeting, ka wow man ha chnong Demthring, West Jaiñtia Hills District.
U Ryngkhlem wa u Pyrtuh da ong ki wa ha kani ka yalang daw jied wei daw pynthymme ya kiwa kitkaam ka seiñ wei daw yaklam yillu yei rukom dai dohmasi wa kiwi kiwi ki kaam wa yatoh wa i dohmasi ha chnong Jowai.
Heiyatoh wa ini khang dai dohmasi, ka seiñ ka kyrpad ko ya kiwa thied wa kiwa baam dohmasi wow yaichah lang ki waka seiñ neibynta i bha i miat i dai dohmasi ha chnong Jowai.
Ha i jooh i por ka seiñ ka khut ko ya waroh ki para wa dai dohmasi wow pyllait por khnang ya kani ka yalang.
Discussion about this post