Jowai: U President ka Hynniewtrep People Defence Alliance (HPDA) u S. Rymbai da pynbaad u wa ynne i miet ki dkhot ka seiñ da chah tba kti ki ha ki pulit ka Ummulong Beat House heipor wa ki dkhot dang mut ki wow bood dien ya i khrong poisa pyrchah aiñ ki pulit ya ki truck ha u sarok Jowai By-pass wa em hajan ka Highwinds Laskeside Hotel kawa em hajan ka nan Thadlaskein.
Ka seiñ da beiñ joor ko ya i leh ki pulit deiwa kylli wa lada ka sorkar ym em e tulop ko ya u Officer In-charge ka Ummulong Police Beat House. Ka seiñ da ong ko leh wa u Officer In-charge toh u bahkhlieh ya ini wa waroh neidaw waka seiñ da kam ko wa ha u snem wa da dep u jooh u Officer In-charge khrong poisa u wei u President ka seiñ da ong ko lada ym yoh tulop u ka seiñ ye ko wow su ya oo tangwa ym toh u man wa khrong u ya ki bru kiwa khlem tulop.
Ka seiñ HPDA da ong ko wa da biang lut ko ki Video wow pynsakhiat ya i khrong poisa pyrchah aiñ ki pulit ka Ummulong Beat House.
Da pynkut deiwa ong wa ym toh u chah ktah kiwa yah truck kiwa chaniah na ini i kaam yow im ja kpoh ki iwa da chah knieh lut ki wei lada pteiñ, ka seiñ daw leh ko da iwa eh wei da dawa leh wow kyrriah noh ya u Officer In-chrage ka Ummulong Beat House.
Discussion about this post