Jowai: Ki bor District ka East Jaiñtia Hills District nadooh wa poi ki Pump thymme wa le tylli ka Kiloskar Brothers Limited haka 13 tarik uni u bnai, hadooh ynne ka sngi da yaleh ko katwa ye wow chna ya ki thaw booh ya kini ki Pump ha ki krem mooyong wa em ha Ksan neidaw wa kani ka Company phah ko du ki Pump katwa ki thaw booh ya ki namo ki Platform ym em phah ko.
Da yooluti leh ki bor District wow pyndep smat wow booh ya kini ki Pump hanlada man ko kawa eh wow chna ya ki Platform wei wow sdang ya i taan um katkam wa da hukum ka Supreme Court.
Ka CIL ynne ka sngi da taan um ko 17 kynta da ka wi ka Pump nadooh ynnin ka sngi hadooh 5 waje i janmiet ynne ka sngi wei da sai um 2295000 liter.
Ka Kirloskar won da taan um ko 16 kynta da wi ka Pump donhi nadooh ynnin ka sngi hadooh ynne ka sngi hadooh 5 waje i janmiet wei da sai um ko 1440000 liter.
Ka KSB da pynemkaam ko mar 16 kynta ki ar tylli ki Pump yong ka nadooh ynnin hadooh 5 waje i janmiet wei da sai um ko 6336000 liter.
Discussion about this post