Jowai: Ka Public Hearing ka Star Cement wow pynheh ya ka paar tih moochuni kani ka karkhana pynmih khyndaw-bilat kawa mut wow pynman ynne ka sngi ye u hap pyndam noh ka hadien wa kiwa chong chnong ka Lumshnong da khang ki ya ka luti kawa lai cha i thaw wa mut u pynman ya kani ka Public Hearing.
Kani ka Public Hearing toh kawa pynman yow paan bor na ki paidbah yow pynku yei pynmih moochuni kani ka karkhana na 9 Lak Ton cha 25 Lak Ton chisnem. Neiliang kiwa chong chnong da pyrchah ki ya kani ka Public Hearing kawa thmu u pynman nyngkong ynnin u snem ha uni u jooh u bnai kawa da pyndam noh wei da pynbna biang wow pynman biang ya ka ynne ka sngi hadien chi snem.
Ha kani ka kynti da mih biang i jooh i pyrchah na ki paidbah kam ynnin u snem tangwa neiliang ki bor sorkar da rai wow lai bait cha khmat wow pynman ya kani ka Public Hearing ynne ka sngi, kamtæ neiliang kiwa chong chnong nadooh ki khynnah, ki manbei, ki khynroo da mih ki deiwa rah ya ki Banner wow pynsñiaw yei pyrchah ya kani ka Public Hearing deiwa yeiñ ha ka luti wow lai cha i thaw wa mut wow pynman ya ka hadooh wa ym e laad ya ki bor district, ki dkhot ka MSPCB, ki pulit wow psiah cha kani ka thaw.
Neiliang ki Magistrate ka District da wan yaklam ki wa ki paidbah tangwa ki paidbah hi da ong ki wa ym chah ki u pynman ya kani ka Public Hearing.
Ki paidbah da pyrchah ki hajrong ki yurim wa manda pynheh ya kani ka paar tih moochuni daw ktah ko ya ki tyllong um, ka rep ka riang, i chait i khiah wei daw piah daw kaad ki yung manda pynemkaam da ki tiar tympdung manda khloh ya u moochuni kamwa da jia nachwa.
Hadooh wa pynmih ya kani ka khubor ka pyrchah dang pteiñ hi ko.
Discussion about this post