Jowai: Ka Dorbar Chnong Kwaitor lyngba u Waheh Chnong wa u Secretary Chnong da ujor ki cha u DC ka EJH pyrchah yei pynman ya ka Beach Festival hapoh ka chnong haka 21 wa 22 tarik uni u bnai.
Ya kani ka Beach Festival toh kawa pynman da ka Jaliakhola Aquatic Life Welfare Association wei neiliang ka dorbar chnong da ong ko wa ym em yoh bor naka Dorbar Chnong wow pynman ya kani ka tamasa wei ym em hi leh pyntip cha ki dkhot ka chnong iwa mut leh ym em yoh NOC naka chnong.
Kamtæ ka dorbar chnong da ong ko wa lada pynman ya kani ka tamsa khlem yoh NOC ym em ki kyndon wow kdoh ya ki paidbah lada mih iwon iwon i awri awra.
Ka dorbar chnong da kyntu ko ya u DC wow pyndam chwa ya kani ka tamasa katwa ym pu yoh NOC naka chnong.
Discussion about this post