Jowai: Ka Seiñ Khynroo Sein Raij Jalaphet East Jaiñtia Hills District hapoh i yahkhmat u President ka seiñ u Kyrpad Syrti haka 19 tarik uni u bnai deilang wa ki dkhot ka seiñ da pynman ki ya ka yalang pynkup burom ya u Krison Langstang, MDC ka 26 Sumer Constituency ha kamra krehkaam yong oo ha Jaintia Hills District Council, Jowai.
Ha chwa wow pynkup burom da yoh ya i klam wa tbian na Sat Langstang uwa man kam u Waheh Shnong Jalaphet Bri Sumer, na u Lambha Chyrmang Assistant Waheh Chnong Jalaphet Bri Sumer wei hadien i klam yong kini da yoh yei klam na u MDC u Krison Langstang.
Neiliang u MDC hei klam yong oo da e khublei u ya ki khon khynroo khyllood ka Sein Raij Jalaphet kiwa da pynkup burom ya oo, wei kamjoo ya ki paidbah ka 26 Sumer Constituency kiwa da jied wow pynjop emburom ya oo kam u MDC ka thaaiñ deiwa ong “ I jop yong nga toh i jop yong phi.”
Kamtæ neiliang u MDC da khut lang u ya waroh ki khon ka Constituency wow krehlang ki wa oo khamtam ya kitu kiwa ym em thap Vote cha oo wow sñiawbha ki wow wan krehlang neibynta ka roia ka paar.
Da kular u leh wow wanrah ya chiboon ki kaam pynroi hapoh ka Constituency kawa dang sahdien deiwa chna ya ki sarok, u pynbiang ya ka um baam um dih, ka bordiñ, ka puræ puthi wa ki laad ki luti wow pynman ya ka chnong kawa khooid wa suba.
Discussion about this post