Jowai: Kam chibynta wow pynkhlan ya i rukom krehkaam yong ka seiñ EJNC-Central Executive Council, haka 23 tarik uni u bnai da yoh ko wow pynkha sa kawi ka chnat krehkaam kawa tip kam ka EJNC-Khliehriat Cirle.
Ha kani ka sngi da pynlai ya ka yalang da u Nangjan Dkhar, General Secretary EJN-CEC, ha chwa ka pynskem ya kiwa kitkaam yong kani ka Circle, da yoh leh ki ktien sneiñ kyntu na u Mehi Rymbai, General Secretary EJNC-Middle East Unit.
Neiliang u Sambormi Lyngdoh, President ka seiñ, oo da pynsñiaw wa ka EJNC man ko kawi naki seiñbhalang kawa yeiñ skem wow yada yaka ri waka jaitbru khamtam na i wan buhai chnong yong ki baar jylla, wei ka EJNC leh man ko kawi na ki seiñbhalang wa embynta lang haki yakhih wow pyrchah joor ya i thmu yong ka sorkar BJP wow pynman aiñ yaka CAB 2016, u dawa pynkrehkaam yaka ILP, NRC hapoh ka jylla yong i deiwa ya krehlang wa kiwi won ki seiñbhalang na kylleiñ ka Bri u Ynñiawtrep.
Ha kani ka sngi da yoh wow pynskem ya kiwa yahkhmat ka EJNC-KC kiwa kynthup ya u Heibormi Shylla kam u President, u Shanborlang Bamon kam u General Secretary wa kamwa 18 ngut ki Executive Members.
Discussion about this post