Beiñ ka KSU-WJC ya u DC wym pynchitom ya ki truck wa kamai pyrchah ya ka aiñ

Jowai: Ka Khasi Students’ Union-War Jaiñtia Circle sa chisien lyngba kani ka kyrwoh hadien wa ka da dep ujor ko hapoh ka yung krehkaam u Deputy Commissioner, Jowai ha ka 17-12-2018, ya ki truk baar jylla kiwa kamai pyrchah ya ka aiñ cha ki thaaiñ War-Jaintia ki wym biang ki kot ki sla nadooh ki Special Permit, Trading License wa Labour License.

Ka seiñ ka beiñ joor ko ya ini wym chim khia u DC ya ini i wan psiah kini ki kari baar jylla kawa booh hei ma ya ka imlang sahlang wa ka kamai kajih yong ki tre chnong tre thaw.

Ka seiñ ym e laad ko wei u yaleh ko katwa ye yow pyndooh ya kini ki truk baar jylla wei da booh ko leh ya i maham ya ki bru samen kiwa chim kabu wow wanrah ya ki trok wa na baar du wow myntoi samen yong ki.

Ka seiñ ka kyrpaad ko ya waroh kiwa khayi moo (Exporters) cha Bangladesh wow yatylli wei wym e laad ya kini ki truck wa nabaar wa u wan kamai ha ki thaaiñ yong ngi, khnang wa i ye i u ksoh yei bor ya ki bru wa na baar wa wan buhai chnong ha kani ka thaaiñ War Jaiñtia yong i.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ka yung krehkaam u Deputy Commissioner toh u bah khlieh hi ki ya kini ki truk wa wan cha ki thaaiñ War Jaiñtia kiwa nang boon archah ha kini ki sngi wei toh u phah beh noh ki hapoh chi tayaw.

Ka seiñ ym chong kli kti ko neibhah ki ym em hok ki wow wan kamai khlem ki kot ki sla kiwa biang da pyntip u General Secretary ka seiñ u Lurman B. Talang.