Jowai: Ka Craft Bazaar 2019 wa pynman da ka NIFT Shillong da poi ko cha wa kut ynne ka sngi kawa sdang nadooh ka 29 tarik uni u bnai wa pynman ha Campus yong ka NIFT wa em ha Lawmali, Shillong.
Ka NIFT da pynman ko ya ka kani ka Craft Bazaar kam chibynta i yaleh yong ka wow e sikai ya kiwa em ya i saap wow thaiñ, wow soor, wow chna tiar ya ki mar wa boon jait wow yoh ki ya ka rynsan wow pynyoo ya ki mar yong ki kiwa da wan na kylleiñ ka thaaiñ mihsngi iwa man leh wow pyneh pynsah yei stat kiwa da hiar pateiñ na uwa rim wa jah.
Kani ka yaaw ya dai ya thied da man ko leh wow chem laad kiwa chna tiar wow pynlai yaaw ya ki mar yong ki.
Ym du ya ini, u man ko leh wow pynchlur ya kiwa em sap wow im ja ki na kani ka kaam wa ka-it ki wow leh deiwa e leh ya ki sikai kamjooh wow lai cha ki chnong ki thaw yong ki yow pynbniah ya iwa da tip chwa ki.
Ha kani ka Craft Bazaar da wan chimbynta kiwa boon na ka thaaiñ mihsngi kiwa pynyoo rong ya ki mar yong ki kiwa phær na kiwi hapoh ka ri.
Ya ka sngi wai da wan u K.N. Kumar, IAS, Additional Chief Secretary ka sorkar jylla kam u kongsan wei da em leh u Professor H. Lamin, Pro-Vice-Chancellor, NEHU kam u symbood kongsan waka Sarita Aggarwal Synrem, IDAS, Director, MATI.
Haka sngi pynhaap pyrda da wan u Kuldeep Singh Dhatwalia, Director General, Press Information Bureau, Northeast Region, GoI kam u kongsan wei da em leh u Dr. Engam Pame, Director, Directorate of Field Publicity, NE Regional Office, Shillong, Meghalaya.
Ka NIFT man ko kam ka chlem e sikai haka Fashion and Design Technology Institute hapoh ka ri wei da kreh ko leh wow pynchlur ya ki rukom thaiñ that warim hapoh ka ri.
Ha ka sngi pynhaap pyrda da em kiwa tem sur na ka NIFT kamjooh na kiwi ki College wa ki Fashion-Show kiwa pynyoo yei sap kiwa puræ ka NIFT.
Discussion about this post