Yoh kem ki pulit 11 tylli ki truck wa kit mooyong ha ka chi sngi

Jowai: Ki pulit da pyntip ki wa haka 28 tarik uni u bnai C.P. Mawkon, MCS, EAC, West Khasi Hills da pyntip u cha ki pulit ka Nongstoin PS wa da yoo u ya ki truck wa kit mooyong ha Nongpathar wa em ha chnong Pyndengrei, WKH. Hawa lai bood dien ki pulit heipor 5:30 i janmiet da chem ki ya ar tylli ki truck kit mooyong kiwa em ya u number ML-05J-0873 wa ML-06-8657 tangwa kiwa yah ym em de kiwa yah truck.

Related posts

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Yoh kem drugs ki pulit na Lum Survey deilang ki bru kiwa suba toh kiwa na baar ri

February 18, 2026

Ha ka jooh ka sngi ha EJH won heipor 9:50 i miet, ki Magistrate wa ki pulit da chem ki ya 4 tylli ki truck wa em ya u number ML-04B-0571, ML-05E-3419, ML-04B-3613 wa AS-01JC-7432 heipor wa dang kit mooyong ki pyrchah ya ka hukum ka NGT wei ya kini ki truck da kem na ki thaaiñ Dkhiah wa Moowakhu.

Na kini ki jooh ki thaaiñ da yoh kem sa 5 tylli ki truck wa kit mooyong wa em ya u number AS-11BC-9107, ML-11-5322, ML-05Q-7682, AS-01GC-1550 wa AS-01JC-8078 heipor wa dang kit mooyong ki.