Khlaad soo ngut ha i tyrrah kari hapoh jylla

Jowai: Katkam wa pyntip ki pulit ha i pyrdi synyaw ka 28 tarik uni u bnai kawi ka kari Mahindra TUV wa em ya u number HR-26DL-9974 wa yah da u Thokchom Probhas Singh da tyrrah ko ya kawi ka truck wa em ya u number AS-01DD-3274 ha Nongrah-Shillong By-pass Road, RB. Ha ini i jia uwa yah kari wa uwi chong hapoh ka kari Mahindra TUV da khlaad ki pyn ha ini i thaw jia.

Katwa kiwi kiwa chong hapoh kari da mynsoo joor ki wei da kit nyngkong ya ki cha CHC Bhoirymbong wei hadien da kit cha NEIGRIHMS.

Ha ka jooh hi ka sngi heipor 08:00 waje i step u Homding Jyrwa (48 snem) da hap u najrong kawi ka kari Bolero Pick-up wa em ya u number ML-06-7317 heipor wa da lai ko kawa yah da u Skhemlang Lyngdoh hajan i chnong Langrin Nonglang, WKH uwa haap da khlaad u pyn ha ini i thaw wa jia.

Haka jooh biang ka sngi heipor 8 waje i miet kawi ka Scooty wa em number ML-05S-6957 wa yah da u Vicky Acharjee (17 snem) da tlær ko ha sarok wa em ha Jyntru, RB. Uwa yah wa uwa chong hadien da mynsoo ki wei da kit ya ki cha Civil Hospital Nongpoh yow yoh yei sumaar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Haka 27 tarik won heipor 4:15 i janmiet kawi ka kari Mahindra Pick-up wa em ya u number ML-08F-4266 ya tyrrah ko wa kawi ka thuk thuk kawa ym pu em number wa yah da u Sengbath A Sangma ha Goramara NEC Road (WGH). Ha ini i jia uwa yah wa uwa chong hadien da mynsoo joor ki wei da kit ya ki cha Civil Hospital Tura tangwa uwa yah da khlaad noh u ha luti.