T. 40,000 u e ka LFA cha kiwa pyntip lada em kiwa leh pyrchah ya ki kyndon ka seiñ

Jowai: Ka seiñ Leshka Fishing Association (LFA) kawi na ki seiñ wa kreh monsñiawbha wow yada ya ki doh-um ha Leshka ha kani ka 30 Wisu da pynthymme ko ya kiwa kitkaam yong ka ha ka yalang wa man ha Leshka Dam.

Ha kani ka sngi ka seiñ da booh ko leh ki Signboard ha kiwa boon ki thaw wa da thoh yaki kyndon wa ki kaam wa da khang pyrchah wow leh ha kani ka wah.

Da maham leh wa lada em kiwa tyngkheiñ ya kini ki kyndon daw pynchitom ya ki deiwa daiñ kuna T. 50,000 wei na kani T. 40,000 u e sñiawbha ka seiñ cha kiwa pyntip cha ka seiñ ya kiwa leh pyrchah katwa T. 10,000 won u neh ko ha ka yarong poisa ka seiñ. Kiwa ujor ye ki u phone ha kini ki No. 8974949177 / 8119926015 / 9612707545.

Kam wow pynkynmoo heini wa ka seiñ da beiñ ko ya ki damok kiwa da tynyap khiar ya ki doh-um ha ka 27-03-18 wei dang takit ko wow chemdien ya ki wei daw pynchitom ko ya ki katkam ki kyndon ka aiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka seiñ da kyntu ko ya ki paidbah ka ri-loom Jaiñtia wow yakrehlang wa ka khnang wow ye u yada ya ki le tylli ki wah ha kani ka thaw kiwa kynthup ya ka Lamu, Myntdu wa ka Amsynriang.

Kiwa kitkaam ka seiñ kynthup ki ya u Early Lyngdoh kam u President, u Richard Suting kam u Vice President, Hopful Nongtdu kam u Secretary, Rening Pohplet kam u Asst. Secretary, Ermark Ksih kam u Treasurer wa u Slonly Bareh kam u Advisor.