Jowai: Ka Darrang Tourism Promotion and Development Society (DTPDS), ka pynsñiaw ko yei sñiawsih kawa joor hajrong i khlaad noh u DM Wallang uwa jooh man kam u Additional Deputy Commissioner yong ka West Jaiñtia Hills District.
Ka Society ym ye ko khlem da pynsñiaw yei sñiawngooh kawa khroo ya ki kaam wa bha yong uni u sahep sorkar kawa yarap ya chiboon wow pynku ya ka kaam uiñke suwari ha ka chnong Darrang wa hapoh ka thaaiñ War Jaiñtia hi waroh kawi.
Ka Society kawa pait ya ki kaam uiñke suwari hapoh kani ka chnong da yoh yarap ko chiboon na u DM Wallang wei i ku i yooh kjat kiwa wan cha kani ka chnong da ar chah toh na i kreh chitom yong oo.
Kam wow pynkynmoo wa ha u snem 2016 ka Society ka da yoh ko wow pynman ya kawi tamasa neibynta ka uiñke suwari hapoh kani ka chnong lyngba ka yarap poisa da ka District lyngba u Wallang.
Ka seiñ da ong ko leh niar wow chem ya kam uni u sahep wa kreh chitom doh wa mynsien neibynta ka jylla wa ka jaitbru hi waroh kawi.
Ka DTPDS ka phah ko leh ya ka khubor sñiawlem cha kiwa ha yung ha sem yong oo wa cha waroh kiwa emyatoh wa oo, wei u Blai u emlang u waki ha kam ini i por.
Kani toh katkam ka kyrwoh na u Reachingson Kongwang wa u Lucas Pohti kiwa yahkhmat ya ka DTPDS.
Discussion about this post