Jowai: Ka Kirloskar Brothers Limited da ye ko wow pyndait ya kawi ka Pump yong ka ha ka krem mooyong kawa 8 wei dang pyndait ya ki Pipe yow sai um na kani ka Pump. Hadien wa pyrchang kani ka Pump man ko kawa krehkaam katkam wa yooluti.
Dang pynkhreh leh ka Kirloskar wow pyndait ya ka Pump yong ka haka krem mooyong wa 5.
Da pynkhreh leh yow dep u noh u pynchna ya ka Platform ha krem mooyong wa 10 wa 11 yow ye u pyndait noh ya ki Pump.
Neiliang ka sorkar won da pyntip ko wa daw kyrpaad ki naka Supreme Court wow chah noh u pyndam ya ini waroh iwa da lai kattu da jan dap 4 bnai.
Ka Supreme Court da dep e hukum ko wa ym toh u dam u thooh ya kiwa chah kset kiwa em 16 ngut ha krem mooyong wa chlai um wa em ha Ksan.
I yaleh wow sai ya kiwa chah kset ym em da poi thong ko heiwa da ye u su du ar tylli ki metyap heiwa da embynta, ka Indian Army, Indian Navy, NDRF, SDRF, CIL, ki Company ki bru samen kam ka KSB waka Kirloskar Brother Limited.
Discussion about this post