Da chna ya ka NEFIP, ka satri ki seiñbhalang ka thaaiñ mihsngi

Jowai: Ka Confederation of Meghalaya Social Organisations (CoMSO) da lai chimbynta ko ha ka 1st North East People Conference 2019 ha Imphal, Manipur nadooh ka 1 tarik hadooh 3 tarik uni u bnai heiwa da em ki seiñbhalang ka thaaiñ ya kawa pynman da ka MANPAC, Manipur.

Ya ka CoMSO da yahkhmat da u Chairman u Robertjune Kharjahrin uwa man u President ka HYC ryngkat i emlang ki seiñ wa em hapoh ka CoMSO.

Kani ka yachemlang namo ka Conference toh kawa nyngkong heiwa ki seiñbhalang ka thaaiñ da emlang ki ha kawi ka thaw neibynta wow phyllu yumut hajrong i eh i khoo wa yachem ki paidbah ka thaaiñ neipor cheipor. 

Ha kini ki le sngi da yaklam hajrong kammon wow wanrah yei yatylli hapyrdi ki seiñbhalang ka thaaiñ heiwa kiwi leh da pynsñiaw ki yei emkaam wow man kiwa yatylli.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da iwi i sur da chna ya kawi ka satri ki seiñbhalang ka thaaiñ mihsngi ka wow tip kam ka North east Forum for Indigenous People (NEFIP). Da jied Convener yong ka Core Committee da u Ningthouja Lancha na Manipur wa 3 ngut kiwa mihkhmat na kawi ka jylla kam ki dkhot kani ka Core Committee katwa ya kiwa kitkaam wa pura daw jied ha ka yalang ka Core Committee ka wow man ha Shillong. 

Ha kani ka yachem da rai wow pyrchah ya ka CAB, da rai leh wow pyrchah ya waroh ki rukom krehkaam ka sorkar India kiwa ktah ya ka khyndaw ka chyiap, ka hok man kyrpang, ki riti dustur yong ki tre jylla kiwa man ki khian paaid wei kani ka satri u kyrchaan ko ya waroh ki seiñbhalang ha ka thaaiñ kiwa dawa kam ka ILP, NRC wa kiwi kiwi.