Shillong: Ka sorkar jylla daw kyrpaad ko naka Supreme Court (SC)wow sangeh noh i thooh ya kiwa tih moohyong kiwa chah kset hadien wa chlai um kawi ka krem mooyong wa em ha Ksan, EJH.
Hawa yaklam wa kiwa pathai khubor ynne ka sngi, u montri rangbah ka jyll, u Conrad K Sangma da ong u wa i thooh ya kiwa tih mooyong kiwa chah kset ha ka krem mooyong da man ko kawa eh bha hanlada ka sorkar da yoh yarap ko na ki bru wa chemphang ha kani ka kaam, tangwa hadooh katni ka sorkar ka dang pyrchang wow sai lut ya ki bru kiwa em hapoh ka tai ka krem mooyong.
Da ong u wa i yaleh wow sai ya kiwa chah kset dang pteiñ i hadooh katni tangwa ym mih soh ko katkam wa da yooluti wei ka sorkar u pyrchang ko wow pyndep katkam wa da phah ka Supreme Court tangwa ym poi ko cheiwon cheiwon wei neiliang ka sorkar daw kyrpaad ko ya ka Supreme Court wow phah sangeh noh ya ini i thooh ya kiwa chah kset.
Ha iwi i liang u Conrad da ong u wa ka sorkar ym elaad ko ya i tih mooyong pyrchah ya ka aiñ u em ko hapoh ka jylla hadien wa da khang da ka NGT.
Da pyntip u leh wa ka sorkar da thung ko da ki Committee wow pait ya i tih mooyong pyrchah ya ka aiñ yow sangeh ki chisyndon. Da pynrap u leh deiwa ong wa ka sorkar daw wanrah ko da ki aiñ kiwa khor neibynta wow pynchitom ya kiwa yaleh pyrchah.
Discussion about this post