Jowai: Katkam wa pyntip ki pulit, haka 15 tarik uni u bnai heipor 12:05 waje pyrdi synyaw ki pulit da yoh kem ki ya ki le ngut ki bru wa tip kam u Pynhunlang Wahlang (30 snem), Dinal Syndor (25 snem) wa u Pynskhem Syiemlieh na Nongmensong, Shillong wei na kini ki le ngut da chem 5 tylli ki tadong Golden wa em 3.08 gram i lakhit wa suba toh i drug Heroin.
Haka 13 tarik uni u bnai heipor 4:40 i janmiet, ki pulit da kem ki ya le ngut ki bru wa kynthup ya u Donbok L Marshillong (24 snem), u Denilson L Peinlang (21 snem) wa u Jeffery L Nonglait (27 snem) kiwa em hapoh ka kari wa em ya u number ML-05F-8693 na Mawblei, Shillong.
Ki pulit da yoh ki kem ki leh ya i lakhit wa khia 47.69 gram wa suba toh i drug Heroin wa em hapoh kari wa 19 tylli ki thyrnia.
Discussion about this post