Jowai: Hadooh 132 ngut kiwa sikai Government Lower Primary School yong ka West wa East Jaiñtia Hills da wan ki wow psiah cha ka Jaiñtia Hills Lower Primary School Teachers Association (JHLPSTA) haka yalang General Meeting kawa pynman haka 16 tarik uni u bnai wa pynman ha District Library Auditorium, Mynthong Jowai.
Kini kiwa sikai toh kiwa thung kreh ha u snem 2010 wa 2011.
Da yoh ya i klam pynche na kiwa yahkhmat kiwa sikai yong ka Batch 2010-2011 na u Rinaldus Dkhar na Khliehriat Centre, na u Glister Lyngdoh wa na u Teikupar Pyrbot na Jowai Centre.
I daw wa kini kiwa sikai da psiah ki cha ka JHLPTSA toh neidaw waka seiñ toh kawa da chem boon i eh i khoo wei ym em wa ye u yarap laitnoh ka All Meghalaya Primary School Teachers Association (AMPSTA) kawa em i sñiaw wow e yarap ya ki.
Da yoh leh yei klam na u Lukas Jat uwa man kam u President ka JHLPSTA wa naka Serinda Rymbai kawa man kam ka General Secretary.
Da wan pynchngaiñ ya kani ka yalang da kiwa mihkhmat ka AMPSTA u F.C. Shullai uwa man kam u General Secretary waka I. Tiewsoh wa ki kattu katni kiwa sikai naka Batch 2010-2011 na ri-loom Khasi.
Discussion about this post