Daw bahkhlieh ka sorkar neibynta ka Bond wa T. 630 klur yong ka MeECL

Shillong: Ka yalang ki montri ka sorkar jylla ynne ka sngi da pdiang ko ya i tyrwa ka chnat bordiñ (Power Department) wow man kam kawa bahkhlieh namo ka Guarantor neibynta ka T. 630 klur ka Bond wa tyrwa da ka Meghalaya Energy Corporation Limited (MeECL).

U montri ka chnat bordiñ, u James K Sangma da ong u wa na ka poisa (Capital) wa da tyrwa kam ki Bond ka MeECL daw pyndam noh ya ki “High-interest Bearing Loans” wa da chim na ka Power Finance Corporation wei wow su kajiak kawa dang sah ha ka North Eastern Power Corporation Limited (NEEPCO).

Kam wow pynkynmoo heini ka sorkar jylla dang sah wow su ko cha ka NEEPCO sa kamwa T. 550 klur.

U James da ong u wa na kani ka Bond wa T. 630 klur wa tyrwa da ka MeECL na kani kajiak toh wow su ya ka ram yong ka.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh won wa ka Loading Shedding, neiliang u montri da kyntu u ya ki paidbah wow man ki kiwa yaichah.

Deiwa kyrmen wow miat i rukom saam bordiñ, u James da ong u, “Kwah i wow su pyndep noh ya ka poisa cha ka NEEPCO katwa ye smat.”