Daw pynman ya ka yalang bah kiwa kreh mylla haka 4 tarik ha Shillong

Shillong: Ka Workers Power of Meghalaya kawa man ka seiñbah yong ki 18 tylli ki seiñ kiwa kreh mylla daw pynman ki ya ka 2^nd Annual Workers Convention ha nongbah Shillong ha ka 4 tarik u Naisan (May) wei ha kani ka Convention daw booh leh ya ka miej yarap (Help Desk) neibynta wow yasyllok ya kiwa kreh mylla yow tip ki ya ki hok yong ki.

Hawa klam ynne ka sngi, u General Secretary ka Workers Power of Meghalaya, u Kenneth Swer da ong u wa kani ka seiñ em ko kamwa 4000 ngut ki dkhot na ki 18 tylli ki seiñ kiwa kreh mylla kiwa em hapoh ka jylla.

Da ong u wa ha kani ka Convention daw wan leh ki bru chemphang na baar jylla ki wow pynsñiawthooh hajrong ki hok kiwa kreh mylla wei kammon wow yoh yei hok yong ki neibhah wa boonsien kiwa e kreh ya ki jooh knieh ki yei hok yong kiwa kreh mylla.

U Kenneth da ong u wa i booh ya ka Help Desk ha ka tai ka Convention næ ka yachemlang kawa heh, daw pynman leh ya ka saam kot lakdop wow batai yei hok kiwa kreh mylla kam i kaam yong ki wow yoh ya ki sngi chuti, i wym toh u pynkrehkaam ya ki palat 48 kynta chi tayaw, u yoh ya ka su kawa biang hadooh wa manda kreh palat por, i su katkam ka aiñ namo ka Minimum Wage, ka chuti ya ki manbei ha i por wa dang kha khon ki wei kamjooh wow chna ya ka seiñ namo ka Union ha ki thaw wa kreh ki yow pynsñiaw yei eh i khoo yong ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka Convention kiwa kreh mylla daw emlang ka Thma u Rangli-Juki (TUR) ka wow krehlang wa ki.