Jowai: U Phonlang Khaii na chnong Suchen, East Jaiñtia Hills uwa yalehke haka kyrdan Under-13 kawa tip leh kam ka Hero Sub Junior I-League naka Boca Junior Football School India da poi wa le u hei boon dooh i thap kool ha kani ka lympung yalehbol.
U Phonlang Khaii da thap u 11 tylli ki kool kawa da yarap ya ka liang yong oo wow poi cha ka kyrdan wa ar haka jylla Karnataka hapoh ka Bengaluru Group-B wei haka ri waroh kawi ka Boca Junior School da poi ko hei kyrdan wa 6 wa boon dooh i thap kool ha kani ka lympung.
Ya kani ka Hero Sub Junior I-League da pynman da ka All India Football Federation (AIFF).
Ya u Phonlang Khaii da chah jied u cha ka Boca Junior Football School deiwa yarap ka seiñ North East Indian Goal (NEIG) kawa na East Jaiñtia Hills kawa pynman ya ki Football Trial na ki por cha ki por yow chem ya ki khynnah wa em sap yalehbol hapoh ri-loom Jaiñtia deiwa ya krehlang wa ki Club yalehbol ka ri India.
Also Read: Chah jied le ngut ki khynnah na ri-loom Jaiñtia ha ka BOCA Junior India
Discussion about this post