Jowai : U Montri ka tnat PWD u ma Sniawbhalang Dhar ynne ka sngi da pyllait paidbah u ya ka Ambulance kawa da e u naka MLA scheme yong oo cha ka shnong Mookyndur ha West Jaiñtia Hills.
Hawa wai paidbah ya kani ka Ambulance da em ka yalang heiwa da pyllai da u Chairman Chnong, u ma Everwill Mukhim hei emlang ki khynnah skur, ki nongsikai, ki paidbah wa kiwi kiwi.
U ma Nibarwell Kharbithai uwa man kam u Chairman ka Ambulance Service Committee da ong u wa kani ka Ambulance u chakri ko ym du ya ki paidbah ka chnong Mookyndur, tangwa u chakri ko ya ki paidbah wa chong wasah marjan wa ya kiwa chah ktah hei jia wa sñiawsih ha u sarok National Highway.
Neiliang u Montri da ong u wa da e u ya kani ka Ambulance khnang wow pynsuk ya ki paidbah yong kani ka chnong wa ya waroh kiwa emkaam u poi cha ki thaw sumar.
Kiwi kiwa da klam ha kani ka sngi kynthup ki ya u ma Ebris Pariat, u Rangbah chnong ka Wahiajer, u Rangbah chnong ka Mookyndur wa kiwi kiwi.
Discussion about this post