Jowai: Ka Sports & Youth Affairs Committee yong ka Dorbar Chnong Chilliangraij kam chibynta ka dak i lehkmen Centenary Celebration, ynne ka 10 tarik da sdang ko u pynman ya ka yakob 1st Under 16 Tiger Five Football Tournament 2019 heiwa ha kani ka sien wa nyngkong da wan chimbynta hadooh 16 tylli ki Team.
Haka yalang yahkhmat yong i wai ya kani ka yakob wa pynlai da u Oriland Shylla, Secretary Centenary Committee da yoh yei klam e mynsien ya kiwa chimbynta na u C.W. Niangti, Chairman Centenary Celebration Committee kamjooh ki kyntien kyrsu kyntu ya ki ar liang wa mih madan ha kani ka sngi na u kongsan u Morcha Pde, Lecturer Jowai Polytechnic.
Ka yalehke wa wai ya kani ka lympung yalehbol ynne i janmiet da chem wa ka yaleh pyntaw buit, pyntaw bor pyntaw sap man ko kawa jem chilliang heiwa ha ka chi kylla yong kani ka yakob, ka Kyrchan Hame Sajiar FC da yoh ko u thap hadooh 4 kool ya ka Tympang United FC katwa man da pteiñ won haka kylla miet, ka Kyrchan Hame Sajiar FC da yoh chooh chooh ko u kton sa 5 tylli ki kool heiwa u Reform Pale samen da thap u hadooh 5 kool, u Leap Year Mukhim 2 kool, u Ebrix Marboh wa u Thywillbedon Lyngdoh mar chi kool.
Discussion about this post