Jowai: Ki seiñbhalang na ri-loom Garo wa kynthup ya ka Garo Students Union, (CEC, Southern Zone, KHZ), ADE, AYWO, FKJGP (Garo Hills Zone), ynne ka sngi da yahcem ki ya u Prof. K. Shrivastava, Vice-Chancellor, NEHU Shillong, yow yaklam ya kiwa boon wa emkaam hapoh ka NEHU Tura Campus.
Ki seiñbhalang da ong ki wa ka NEHU Tura Campus ym ye ko wow e ya ka chakri wa pura cha kiwa lai puræ neidaw wa ym em pyndap ya iwa duna kiwa sikai neidaw wa em kiwa da chong ngiah, kiwa da khlaad wa kiwa da chah pynku kyrdan kamtæ emkaam wow pyndap smat ya kini ki kaam wa lait.
Da dawa leh wow tip katwon ngut kiwa kreh kiwa ym toh kiwa sikai kiwa da dep pynbna hapoh ka 11th Plan, i emkaam wow thung ya ar ngut ki Assistant Engineer, ar ngut ki Assistant Registrar, i thaw sah ya kiwa kreh kamjooh ka sarok, u pynbiang ya ka um dih hapoh ka NEHU Campus Tura wa kiwi kiwi.
Kini ki seiñbhalang da klam ki leh neibynta ki 35 ngut kiwa lai puræ kiwa ym em yoh u thoh Exam ya ka 4th wa 6th Semester ha South Garo Hills haka 7 tarik uni u bnai neidaw wa pynman ya ka Non-Cooperation Movement kam ka dak wow pyrchah yei slem u pynchna ya u sarok NH-62 kawa haap haka sngi yaleh Exam BA wei kiwa khut ya kani ka khang chnong ym ye de ki wow pyndam neidaw wa da tip ki da slem ware.
Kamtæ da kyntu ya u Vice-Chancellor wa ya u Controller of Examination wow pynman biang ya kani ka Exam ya kini kiwa dooh yaleh neidaw wa ym toh yong ki wa bakla wei da kular u Vice Chancellor wow chimkhai ya kani ka kaam.
Discussion about this post