Khliehriat: Ka seiñ Southern Border Youth Welfare Association (SBYWA), Elaka Lakadong & Rymbai, East Jaiñtia Hills District da dawa ko na ka Company Jio wow pynbha pynmiat noh ko ya ka Network yong ka hapoh ka thaaiñ ha ki ar thaw kiwa kynthup ya ka chnong Bataw wa kawi won kawa em ha chnong Lama katkam wa yoh ujor ka seiñ na ki paidbah da man ko kawa thut bha heiwa ka Network da wiar ko khari khari mar dooh ka bordiñ.
“Kani ka rukom pynthut ka Network da pynchitom ko ya ki paidbah khamtam heipor wa emkaam bha neibhah ki paidbah da chaniah ki ya Jio donhi ha ka thaiñ yong i” da ong ka seiñ.
Ki chnong kiwa chaniah ha kani ka Network da ma ko na dooh chnong Umsatai hadooh ka chnong Kwator- Borgkhat wa ki chnong khappood kam ka chnong Pyrsadwar, Kharkana wa kiwi kiwi.
Kamtae khaddooh ka seiñ da kyntu ko ya ka Company Jio wow sñiawbha ko u pynbiang ya i e chakri chapoh yong ka thaaiñ khnang wow suk ki paidbah liang wanang.
Kani man ko katkam ka wyrta wa da phah da u S. Shadap uwa man kam u President wa u NL Talang kam u Genl. Secretary ka seiñ.
Discussion about this post