Jowai: Ka seiñ Jaiñtia Youth Federation (JYF) haka khubor wada pyllait da u President yong ka, u ma Poipynhun Majaw da ong wa ha ka 22 Thohlakhmi (February) 2016 da paan pynche ko lyngba ka aiñ RTI pyrchah ya ka tnat khloo yong ka JHADC, khnang yow tip yeiwa sakhiat heiyatoh wada kynnoh pynemkaam bakla ya ka poisa.
Ka JYF, da kynnoh ko wa hadooh katni ympu yoh ya ka jubab na u PIO ka tnat khloo yong ka JHADC kawa da jan dap 2 bnai (57 sngi) nadooh wa dadep muhor da u PIO katai ka tnat khloo.
Neiliang ka seiñ da sñiawphylla ko yei pynslem u PIO ka tnat khloo wow jubab ya ka RTI ka seiñ deiwym yohsa daw ujor noh ko cha u Chief Information Commissioner ka Jylla.
Discussion about this post