Jowai: Ka High Court of Meghalaya haka 20 tarik uni u bnai da pynkut ko yaka PIL kawa yaleh u Khroolamsalanki Pariat yow pynbiang thawsah (Shelter Home) ya ki khynnah wa thiah cha luti cha syngkeiñ.
Ka yungbichaar da leh ko ya ini hadien wa sñiawhun ko yei jubab ka sorkar wow pynbiang lut ya waroh iwa emkaam wow chna ya ki Shelter Home hapoh ka 30-06-2019.
Neiliang ka Urban Affairs Department ka sorkar jylla da jubab ko wa da sdang i kreh wow pynman kam ka thaw sah haka mala wa nyngkong ka Shillong Municipal Board wei da pynkhreh ya ki palong, ki tusok, ki chuki ki miej wei daw pyndep ya ini haka 30-06-2019.
Da pyntip ki leh wa ka Shelter Home ha Jowai da pyndep u chna wei sah sa du wow riñ bordiñ wei wow pynbiang ya ki tiar ki tar wa emkaam i wow pyndep wut wut.
Ha Williamnagar, u Deputy Commissioner da pyntip u wa da thooh ya i thaw wa chipor wow pynman kam ka Shelter Home wei da jied ya kawi ka Quarter wa em ha DC Colony yow pynman kam ka Shelter Home kawa em 5 kamra wa i heh i thaw wa ye u pynman kam ka thaw thiah thaw dem man ko 110 Sqm wei ya kani ka yung toh kawa da e chwa cha ka Williamnagar Municipal Board kamtæ daw kit khlieh ko wow leh ya iwa emkaam.
Neiliang ka yung bichaar da ong ko wa hanlada da pynkut ya ka PIL, neiliang kiwa ujor lada chem ki i duna i pynkhreh ya kini ki Shelter Home ye ki wow wan biang cha khmat.
Discussion about this post