Jowai: Ynne ka sngi da sdang ya ka 5th Invitation Knockout Football Tournament ha Wahiajer wa da pynlai daka Wahiajer Sport Club, kini ki ar tylli ki dhab da yoh ki u thap mar chi kool hapoh ka por wada booh heiwa neiliang yong ka Mawmang Sport Club da thap da u Bantei Shylla ha ka minit wa 23, katwa ka Ryntih Sport Club da yoh ko u thap kool ha ka minit wa 34 lyngba u Sheen Sohktung.
Kamtae neiliang u Refree da rai u pynman da ka Tie Breaker heiwa ka Ryntih da jop ko da 5-4.
Ha kani ka sngi sdang da wan wai ya ka Tournament da u MLA ka mawhati u Dasakhiat Lamare, uwa man leh u khon ka chnong Wahiajer, da yoh leh ya i klam na u waheh chnong ka Wahiajer u Kmenlang Shylla heiwa ya ka yalang da pynlai da u Iarly Dhar uwa man u President yong ka Wahiajer SC.
Ya i naam Man of The Match yong kani ka yakhun da yoh da u Sheen Sohktung yong ka Ryntih SC.
Ya ka yakhun mynstep u man ko hapyrdi Ka 7Wasa pyrchah ya ka Iaityllilang FC heipor 2:00 waje.
Discussion about this post