Jowai: Ynne ka sngi ka dorbar chnong Wahiajer da pynkha ko ya kawi ka dong hapoh ka chnong wei i pyrtuid kani ka dong thynme toh ka Lumladaw, heiwa u Waheh Chnong ka Wahiajer u Kmenlang Shylla da man u kam u kongsan.
Ha kani ka sngi da emlang u Secretary ka chnong u Sanwotki Laloo, Chairman ka chnong u Taiar Mulieh wa ki Executive Member ka chnong.
Hawa e i klam kam u kongsan u Kmen da ong u ka chnong Wahiajer da man ko kawi na ki chnong wa heh hapoh ka Ri-loom Jaiñtia katwa kamtae da emkaam ko sa kawi ka dong khnang wow yoh u lai bait i kreh kaam chnong kaam thaw.
Da kyntu u leh ya kiwa chong hapoh ka dong wa thymme wow man ki kiwa burom mar kylliang khamtam u em i mynsiem yatylli, deiwa pynrap wa kani ka dong wa thymme da kynthup ko ya kiwa boon ki niam tangwa ymhoi u em ki i sñiaw yaphær hawa em hawa chong ki hapoh ka dong ka chnat.
Kamwa man kattæ ka chnong Wahiajer da em ko kattu 8 tylli ki dong hapoh ka chnong.
Kiwa kitkaam yong kani ka dong Lumladaw kynthup ki ya kini hawah:
- Chairman-Marsel Dhar
- Secretary-Lukas Jat
- Vice Chairman -Ebiang Phawa
- Assistant Secretary-Philip Phawa
- Finance Secretary- Henry Muktieh
Discussion about this post