Khliehriat: Ka seiñ Meghalaya People’s United Front-East Jaiñtia Hills District (MPUF-EJHD) hapoh i yahkhmat u President yong ka u Michal Chyrmang da e yarap ko ar churia u khoo wa T. 10,000 cha ka manyung ka Ibiris Dhar wa u Bhanu Naiar kiwa chong wa sah ha Khliehriat West, East Jaiñtia Hills.
Chwa wow e yarap da em ka yalang wa pynlai da u President ka Laskein Circle u Hamwer Bhoi wei da yoh yei klam na u Michal Chyrmang uwa da kyntu ya ka manyung wa ymtoh u dooh kyrmen ko lada ymem wa yoo yei eh i khoo yong ka deiwa kyntu leh ya kiwi ki heh spah wow e yarap ya kiwa emkaam yarap deiwa ong leh wa u Blai e u ya ka spah ym du neibynta yong ki tangwa wow e yarap leh ya kiwi.
Da yoh leh i klam na u President ka Khliehriat Circle u Kyrshan Blah wei da pynkut da u President ka Central Governing Body u Aimonbha Syad. Ha kani ka sngi da emlang leh u President warim ka seiñ u Dapoiwanmi Laloo wa kiwi ki dkhot.
I daw wa e yarap ka seiñ cha kani ka manyung wa em le ngut ki khon wei wa ka Ibiris wei em ko i duna ha i bor pyrkhat wei wa ka seiñ tip ko wa emkaam yarap ko wei wa u pa kani ka yung uwa khih mylla em u hapyrdi i kjut i chitom wei da phah bait ya oo wow chah sumaar u cha NEIGRIHMS katwa kamtæ ymyoh de u wow lai kreh.
Chooh chooh ka seiñ da e khublei ko ya u Blai uwa da e ka laad ya ka wow yoh u e yarap cha kani ka mamyung.
Discussion about this post