Jowai: Ka seiñ Jaiñtia Student Movement hadien wa mih khubor wa khrong poisa ko hei pyrtuid ka Children’s Home wa em ha Tuber Kmai Shnong wa pynlai da ka Seiñ Raij Tuber Women’s Wing wa pynbaad wa leh ki ya ini khlem yoh bor.
Neiliang ks seiñ da pynche paidbah ki wa ym toh u sñiawthooh bakla wei ka seiñ da yaleh ko wow sumaar ya ka ki khon ki hajar ka jaitbru Pnar hadien wa tip ko wa kani ka thaw ri khonswet wei deiwa yoo dei khmat toh kawa emkaam kamra wa thymme heiwa katni em ko du 3 tylli ki kamra kiwa khian wei ka seiñ kwah ko wow yarap wow chna ya kawi ka kamra wa heh cha kani ka thaw wa tip leh kam ka 7 Thyndai Child Care Institute Cum Counseling Centre yow ye ko u e ka chakri wa bha ya ki khynnah, neidaw wa katni ki khynnah dang em boon ki khynnah wa hap u pdiang cha kani ka thaw kawa da khynnia chwa.
Ka seiñ da ong ko leh wa da yachem wa kiwa yahkhmat kani ka Children’s Home haka 13-05-2019. Ha kani ka yachem lang da poi cha i sñiawthooh yumut, wei ka seiñ pdiang ko yei bakla wei da kular ko wa i yarap yong ka seiñ u sangeh noh chisyndon wow paan yarap na ki lok ki jor wa jooh yarap yaka seiñ wei neiliang kiwa yahkhmat ka Children’s Home leh da pdiang ki wow kut noh kamtæ hi. Kamjooh ka seiñ da kular ko leh ha khmat kiwa yahkhmat ka Children’s Home wa ki heh ka Seinraij wa emlang wow pyndep hi ko yei thmu wow chna yaka kamra kamwa da mang wow yarap.
Kamtæ ka seiñ kwah ko wow pynche wa ym em kam i tæ i khrong poisa wei em hi i paan yarap ka seiñ na kiwa jooh smat wow yarap yaka seiñ na ki por cha ki por.
Hadien wa yahcem wa kiwa pynlai yaka Children’s Home, ynne ka sngi da rai wow pynsangeh chwa yei thmu yarap wow chna yaka kamra neibynta ka tai ka Children’s Home.
Also Read: Klem yoh bor khrong poisa ka JSM hei pyrtuid ka Children’s Home
Discussion about this post