Jowai: Ka Jaiñtia Students Union-War Jaiñtia Circle lyngba ka kyrwoh wa phah da u Education Secretary ka War Jaiñtia Circle, u S. Mahrhen I Muksor da e khublei ki ya ki khynnah puræ kiwa da lehbha wow wan chakhmat ha ka Exam SSLC wa HSSLC 2019.
Ka JSU War Jaiñtia da e khublei kyrpang ko ya waroh khamtam ya ki le ngut kiwa na War Jaiñtia kiwa da mih pyrtuid haka thup Top 20 ka SSLC kiwa kynthup ya:
- U Dimarkithmu Gayang na ka skur Jawaharlal Nehru Memorial Secondary School, Lamin uwa wan ha ka kyrdan 5th Position uwa naka chnong Lamin, Amlarem Sub Division.
- Ka Lavinia Mebalari Myrchiang na ka skur St. Mary’s Higher Secondary School, Shillong kawa wan ha ka kyrdan 7th Position na ka chnong Nongtalang, Amlarem sub division.
- U Kyrmen Hemiat Rymbui na ka skur Marian Hill Higher Secondary School, Jowai uwa na ka chnong Nongtalang, Amlarem Sub Division.
Kamjooh ka seiñ da e yaroh ko ya waroh kiwa poi cha khmat haka HSSLC (Science Stream) khamtam ya ka Buiriti Pohsnem kawa da yoh yaka kyrdan 10th Position kawa naka chnong Nongtalang, Amlarem Sub division.
Ka seiñ da e mynsien ko ya waroh wow minot chooh chooh ki neini cha khmat yow wanrah naam biang ki yaka jaitbru waka chnong ka thaw deiwa ong waka SSLC waka HSSLC toh i sdang donhi wei ym toh u kynran dien ki neibhah katwa dang em ka laad ka luti i jop u yoh bait katkam wa angnood.
Discussion about this post