Jowai: Ka Minerva Football Academy FC dei ya krehlang waka Northeast Indian Goal (NEIG) daw pynman ko ya ki Football Trials hapoh ki jylla ka thaaiñ mihsngi.
Kini ki Football Trial toh yow chem ya ki khynnah wa em ya ki sap yalehbol wei daw pynman ya ki ha ka jylla Meghalaya, Assam, Nagaland wa Arunachal Pradesh.
Ka Minerva Football Academy da pynman ko ya kani ki Trials neidaw wa tip ko wa kani ka thaaiñ em ko boon ki bru wa em yei saap yalehbol kiwa da dep pynmih chwa kiwa em yei sap hapoh ka ri.
Heiyatoh waka ri-loom Jaiñtia ya kani ka Trial daw pynman ha madan Jrisaleiñ, Jowai haka 7 wa 8 tarik uni u bnai nadooh 7 waje i step.
Kiwa yalehke kiwa em hapoh 9 snem, hapoh 13 snem wa hapoh 15 snem kiwa kha chwa ka u 2008, 2005 wa 2003 da kyrpaad ya ki wow rah lang ki yaki kot ki sla wa paka (Original) ym pdiang ya kiwa da dep Scan wei lada chem kiwa wanrah da kiwa dep Scan ya ki Birth Certificate ym chah wow chimbynta ki ha kani ka Trial.
Yaka yutip wa rap bniah ye u phone ha kini ki number 9383143011, 8837035740.
Discussion about this post