Jowai: Ynne ka sngi ka Dorbar Chnong Chilliangraij leh kamwa da leh ha kiwi ki bynta ka District ha ka thong yong i leh warom Centenary Celebration yei Yung-Walieh chirup i yakrehlang wa ka Art of Living West Jaiñtia Hills da pynman ki i leh warom World Environment Day deiwa thung ya ki dieñ ha ki bynta ka kyntoit Khliehpariat hapyrdi i chimbyntalang ki khon ka chnong wa ki dkhot ka Art of Living, West Jaiñtia Hills.
U Damehiwot Pde, waheh chnong hawa e kyntien heiyatoh wa kani ka sngi da khana pynsñiaw u yei emkaam wow thung ya ki dieñ neibynta wow yoh i ya ka la-ær wa khooid wa pyngaad kamjooh leh wow pynman ya ki soodong sookun ka Bei Rymaw iwa lait nei thylli wei syllen.
U Kamnipaia Challam kam uwi na ki dkhot ka Art of Living hei yatoh wa kani ka sngi da ong u wa liang wa nang yoh i yei kdang i kot i kyllep i sdep nei doh i pran ka Bei Rymaw kamtæ kyrsu kyntu u ya waroh lang wow man ki bru kiwa em i sñiaw ya burom kylliang dei wym hoi u leh huria human yei doh i pran ka Bei Rrymaw khnang wa ki umchangpet wa kai wa mih na ka u yoh i ki u yoo teiñ la pateiñ.
Discussion about this post