Jowai: Ka Thomas Jone Synod College Jowai, lyngba ka Extension Activities Committee, ynne ka sngi da thung ko kamwa 100 tre ki dieñ haki soodong sookun ka College wa kynthup nadooh ki bynta wa hakhmat wei chadien yong ka, dei ya chimbynta ki khynroo khyllood puræ, kiwa sikai wa kiwi.
I pynman yeini i thung deiñ toh kam chibynta i kynmo burom yaka sngi pynneh pynsah bei rymaw namo ka World Environment Day.
Na pyrdi ki 100 tylli ki tre dieñ wada thung 50 tre toh ki dieñ Cherry wei 50 tre won ki dieñ Champa.
Chwa ini haka yalang tbian wa pynlai daka R.M. Khonglah, Coordinator, Eco Club da yoh i klam na u Principal ka College u Dr. R.R. Kharkongor, i klam na u kongsan Rev. E. Sanglyne Executive Secretary, KJP Synod Mihngi, nalor i rwai wada rwai da u Eladmitre Dkhar.
Heijooh i por da saam leh yaki Prize cha kiwa jop haka yakob dro wa yatoh waka bei rymaw kawa da pynman ynnin ka sngi, wei ya ki Prize da saam daka Vice Principal I. Dkhar, pynbood won i klam e khublei na u E. Mylliem Umlong, Associate NCC Officer & Coordinator, Extension Activities Committee.
Discussion about this post