Jowai: Ka F.S. Enterprise Common Service Centre (CSC) deiwa ya krehlang wa ka Mukhla Raij LP,UP wa Higher Secondary School Mukhla da pynman ki yaka lehkmen wow pynneh pynsah yaka rymaw namo ka World Environment Day ha ka 5 tarik uni u bnai ha pchem ka skur.
Ha kani ka lehkmen da pynman yaka thung dieñ ha waroh soodong yong kani ka skur wei ha chwa wow poi cha kani ka ya thung dieñ da em ka yalang wa tbian wa pynlai daka Headmaster ka Mukhla Raij LP/UP School kam ka chongknor ha kani ka yalang wei da yoh yei klam wa tbian na ka P. Suna Assistant Teacher, Mukhla Raij Higher Secondary School kawa e yei snieñ i kroo hajrong ka World Environment Day wei kammon u burom i ya ka bei rymaw wa kiyi ki myntoi wa i yoh i naka bei rymaw.
Khaddooh da yoh i klam na u Standbyme Sari uwa man kam u Village Level Entrepreneur (VLE) yong ka F.S. Enterprise Rainbow Common Service Centre (CSC) wei da batai u chaphang ki Service kiwa em hapoh kani ka CSC næ Digital Seva, da khana u chaphang ka PMGDISHA kawa man ka e sikai Computer wa mynkna wa wan naka sorkar pyrdi, ka PMS-YM Scheme næ ka Pension Scheme wa ya kiwi kiwi de ki Service kiwa em hapoh kani ka Digital Seva næ CSC.
Hadien wa pyndep yaka thung dieñ da e kti cha ka skur wow pait wow sumaar ya kini ki dieñ, kiwa da yoh naka Soil and Water Conservation kawa em ha Mukhla lyngba u Officer uwa pait yaka uwa da e sñiawbha ya ki tre dieñ Chympa wa ki tre dieñ Puma kiwa da yoh u thung ha kani ka sngi.
Discussion about this post