Jowai: Ha kani ka sngi Hat 7 tarik Naiynru ki bor pait bor pynlai ka Loompyrdi Iongpiah Upper & Lower Primay School, SSA leh da chim ki wow kynmoo warom Bei Rymaw deiwa pynman ka program yaklam chaphang ka World Environment Day ha Yungwalieh, i thung ya ki dieñ wei pynlum pynlang ya ki jhep ki plastic wa em hei bynta ka Madan Mynkoi Pyrdi.
U Ribait-o Passah, Head Teacher kam u chongknor yong kani ka yalang da e u ki kyntien pdiang burom katwa ka Ioomiatmon Dkhar, M.Sc Environment kam ka bru stat bru chemphang da e ko i klam i batai hajrong ki kyntien chon yumut wa yatoh wa kani ka sngi iwa ong kamni næ ‘A person that destroys its soils, destroys ITSELF. Forest are the Lungs of our land, purify the air and giving fresh strength OURSELF’.
Chooh chooh ha kani ka sngi da em leh i puræe ya ka Swachh Bharat Pledge da waroh ki khynnah wa kiwa sikai neitæ wan da yoh leh yei kyntien kyrsu kyntu na u S.D. Laloo yong ka Sarva Shiksha Abhiyan, West Jaiñtia Hills hajrong i emkaam wow booddien ya ki dieñ wa dadep thung wei u wanrah leh yei khooid i pliah ki soodong sookun ka Bei Rymaw iwa man ha ka thong yong ka Swachh Bharat-Swachh Vidyalaya kawi na ki kaam wa kyrpang wa da kdar luti nadooh u snem 2014 da u Prime Minister ka ri, u NarendraModi.
Discussion about this post