Shillong: Ka “World Food Safety Day” kawa nyngkong dooh wa da rai da ka United Nations General Assembly ha ka 20 Kmaichonglad (December) 2018 da lehwarom ya ka da ka yung krehkaam u Commissioner of Food Safety, Health and Family Welfare, Government of Meghalaya hajrong ka phang “Food Safety, Everyone’s Business” ha Conference Hall, National Health Mission, Health Complex, Laitumkhrah, Shillong.
Kam u kongsan u Dr. A. Warr, Director of Health Service (MI), Meghalaya da ong u wa kani ka sngi toh wow pynche pynsñiawthooh paidbah heiyatoh wa i baam wa miat wa bha ha ka rukom im ki bru man ka sngi.
“I baam wym miat man i iwa maa ya i mynsien bru”, da ong u Dr. Warr deiwa pynksan yei emkaam wow pynkhlan yei sylli ya i baam deiwa booh ya ki food testing unit hapoh ka jylla khnang wow ye u tip lada ki baam man ki kiwa miat.
Kiwi kiwa da klam ha kani ka sngi toh u S. N. Sangma, Joint Commissioner of Food Safety.
Ha kani ka sngi da chim leh ya ki kyntien kular namo ka World Food Safety Pledge. Ha kani ka sngi da emlang u Dr. R. E. Donn, DHS (R), u S. N. Sangma, Joint Commissioner of Food Safety, ka D. B. S. Mukhim, Assistant Commissioner of Food Safety, East Khasi Hills, wa kwi kiwi.
Discussion about this post