Jowai: Ka All Jaintia Muster Roll & Labour Union, Amlarem Civil Sub-Division Unit hapoh i yahkhmat u President ka seiñ u Valiant Singh Pohkyrnu, Vice President u M. Mukhim, General Secretary u Manywell Tongper wa ki dkhot ka EC da chimbynta ki wow pynneh pynsah yaka rymaw ka World Environment Day deiwa embynta lang waka Meghalaya One Citizen One Tree Mission ha ka 5 tarik uni u bnai.
Ka seiñ da khut lang ko yaka J.U. Kharpuri MCS SDO Civil Sub-division wa ya u I. K. Pohshna naka Synjuk Rangbah Chnong War West Jaiñtia, ki dkhot wakreh ka Muster Roll wa ki paidbah da chim bynta lang ki wow thung ya ki tre dieñ harood sarok Amlarem-Muktapur.
Ha chwa wow sdang ya i thung dieñ da pynman yaka yalang heiwa ka J.U. Kharpuri wa u I.K. Pohshna da e ki yei klam e mynsien ki yaka seiñ wa yaki paidbah chong chnong ka Amlarem Sub-division wow kreh rap bha chooh chooh neibynta wow pynneh pynsah yaki dieñ ki khloo ki btap khnang wa ki pateiñ wow wan u suk u saiñ ki hadien habood.
Neiliang ka seiñ u nang pteiñ ko wow thung dieñ wei wow sumaar ya ki dieñ kiwa ki dkhot ka seiñ daw thung ki hadien habood.
Ini toh katkam wa pyntip ka Pynskhem Nongpluh, Treasurer Amlarem Unit.
Discussion about this post