Pynche ka EJNC yei phah pyndam ya ka FIR ka NEIPF

Jowai : Hadien wa chah beiñ ka EJNC ha ka KJNU yei wa phah pyndam ya ka FIR wa da booh da u President ka NEIPF pyrchah ya ka Weight Bridge wa em ha Rattacherra, neilaing u President ka EJNC-CC u Shanbok Syad ynne da pynche u.

Heini i pynche da ong u wa ka seiñ EJNC ym em pyrchah ko yei chem yei sakhiat hei yatoh wa i kynnoh ka NEIPF tangwa toh u em da ka Independent Enquiry neibhah ka seiñ kwah ko u tip yei wa sakhiat.

Kamtæ ka seiñ ym em ko iyi iyi u ong yei thooh yutip ka KJNU wei pyrchah ko yei bohnia khlem tip ya ki kaam yong ka EJNC. Ka seiñ waroh wa leh ko toh neibynta i myntoi ki paidbah.

Ka seiñ leh chaniah ko wa ki bor pyllai district daw chem ki ya waroh wa leh palat ya ka aiñ ha katia ka Weight Bridge.