Shillong: Ki khynnah kynthai ka Meghalaya kiwa lai chimbynta haka Hero Sub-Junior Girls National Football Championship da cha pynrem ki ynne ka sngi haka Gujarat da 2-1 ha Cuttack, Odisha.
Ka yalehke wa ynne ka sngi toh wow jied ya kiwa yoh u psiah cha ka Quarterfinals ka Group G heiwa pyn arliang da jop ki mar arsien.
Kiwa yalehke ka Meghalaya da pynyoo ki yei bor wa i sap yong ki nadooh wa sdang ka yalehke ynne ka sngi heiwa ka Sanfida Nongrum da thap kool nyngkong ko haka minit wa 8 wei man ko leh ka kool wa soo yong ka ha kani ka lympung wei da thap kool ko ha waroh ki le tylli ki yalehke ka Meghalaya.
Hadien 4 minit ka Gujarat da ye ko wow su kylliang wei da kut ka kylla step da 1-1.
Haka kylla miet leh ka Meghalaya khlan ko chiboon yaka Gujarat tangwa ki laad wa yoh ko ym ye u pynkylla ki cha ki kool katwa ka Gujarat da ye ko wow thap sa chi kool yow chim yei thaw yong ki haka Quarterfinal.
Discussion about this post