Jowai: Ka Khasi Students’ Union War Jaiñtia Circle kam chibynta wow chakri ya ki paidbah ka thaaiñ da pynman ko yaka ya ka Free Medical Camp ha Nongbareh ha ka 15 tarik uni u bnai deiwa yarap ka Nongbareh Unit wa Amkoi Unit.
Da poi palat 300 ngut kiwa chong chnong na ki le tylli ki chnong wa marjan nadooh ki tymmen, ki khynroo khyllood wa ki khynnah kiwa da yoh ka sumaar mynkna lyngba kani ka Health Camp kawa da man i kyrkhu kawa khroo ya ki paidbah.
Ka seiñ e khublei ko ya u District Medical Health Officer, Jowai uwa da yarap yaka seiñ, Dr. Arwin Khonglah wa pait yaka Padu State Dispensary kiwa da yarap haka tai ka sngi nadooh wa sdang hadooh wa kut ka Health Camp. Ka seiñ da e khublei ko leh ya Dr. Blesscynora Sutnga wa pait yaka PHC. Jarain, Dr. Solar Rani wei kamjooh ya kiwa kreh ka Pdengshakap PHC kiwa kreh chitom doh wa mynsien yow pynman yaka Medical Camp kawa jop.
Neiliang ka chnong wa ki paidbah da e khublei ki yaka seiñ ya i pynbiang nadong chadong wei pyn-eh bok eh nasib ki yaka khnang wow ye chooh chooh ki wow leh ya ki kaam kiwa bha neibynta ki paidbah ka thaaiñ.
Ya kani ka kyrwoh da phah da u General Secretary u Lurman B. Talang.
Discussion about this post