Wa kyllooh i pyrthai myndær,
I mynsien wakhian wahær.
Wymye u tip yeibor wa narieh,
Wymem waye u chim næ knieh.
Lakam hajrong u Chalani næ prah,
Yei pyrthai wa kynrih næ rah.
Lada yow met næ yow stait,
Kynrad charood ham kyntait.
Wa syir mynsien u le phaw jingthaw,
Waroh kiwa im hajrong ka Bei Rym-aw.
Kynrad ya i to ksoh mynsien,
Yoh u suk ka pateiñ hadien.
Waroh hi du kiwa sñiawthooh,
Manda joor wadung wa tynrooh.
Wymtip de ki tang wow burom,
Tang wow biang ka myntu, tæ khlem sarom.
Yooma yoo tieñ wa tympiah tympra,
L’yær Langthari wa u slap u phria.
Dei wasih kynrad tæ duhai,
Yow neh symbe ha pyrthai.
Wada stad ware u bru pyrthai,
Wym kynmoo de ki wa em U Blai.
Nu wymjia wym man kamni,
Wympoi yimphoo wow khyrngiat ki.
To maap to khem kynrad ya i,
Hei man bru du i bakla donhi.
Katwa i pyrkhat iwa tymbuiñ
Ham ieh u pær i ha duriaw næ ha suiñ.
Khaddooh u ong i kamni,
To ya wyrchaw i ki kti.
Hei mon ki Blai u dem i,
Chirup waka Bei Rym-aw Rymchi.
(Wymem waye u chim næ bood yeini sur-rwai (poetry) khlem Da yoh bor na u nongthoh)
Discussion about this post