Jowai: Ka National Institution for Transforming India, kawa tip leh kam ka NITI Aayog da pynlait ko ya yaka thup wa ar namo ka Second Edition of “Healthy States, Progressive India” ynne ka sngi. Ha kani ka bui (Report) da booh ya waroh ki jylla wa ki Union Territories katkam i ku i chait i khiah na uwi u snem cha uwi u snem. Ha kani ka kynti toh kawa da pait ya waroh kiwa yatoh wa i chait i khiah ha ki ar snem (2016-17 wa 2017-18) heiwa kammon da ku næ hiar i krehkaam ki jylla wa ki UT ha kini ki ar snem.
Yaka Report da pyllait da u Vice Chairman, NITI Aayog, u Dr. Rajiv Kumar, Member NITI Aayog Dr. VK Paul, CEO, NITI Aayog; Amitabh Kant wa u Secretary, Ministry of Health & Family Welfare; Preeti Sudan wei yaka Report wa pynkhreh daka NITI Aayog deiwa yoh yarap (Technical Assistance) naka World Bank deiwa ya krehlang waka Ministry of Health & Family Welfare (MoHFW).
Ya ki jylla da yabhah ya ki ha ki ar kyrdan, ki jylla wa heh wa ki jylla wa khian.
Na ki jylla wa heh kiwa poi chakhmat toh ka Kerala, Andhra Pradesh wa Maharashtra kiwa biang dooh ha waroh i liang katwa ka Haryana, Rajasthan wa Jharkhand toh kiwa da ku bha na u snem wa da dep. Ka Haryana, Rajasthan wa Jharkhand da ye ki u pynduna yei khlaad ki khonbo wa dang kha, ki khonbo wa dang kha man ki leh kiwa chait wa khiah, ki District yong ki toh kiwa em ya ki Cardiac Care Units (CCUs) kiwa krehkaam, da ku leh kiwa punkhon kiwa wan tista wow wan cha khmat yow pyndep ya ka ANC, ki CHC/PHC ki leh man ki kiwa biang wow e chakri wa paka cha ki paidbah wa kiwi kiwi.
Na ki jylla wa khian won, ka Mizoram da yoh nyngkong ko pynbood won saka Manipur kiwa biang i e sumaar katwa ka Tripura pynbood saka Manipur em ki hakhmat hei ku i e sumaar haki ar snem. Ka Manipur leh man ko ka jylla kawa ye u e dawai tika waroh, da ye ko leh wow boodien ya waroh kiwa chitom Tuberculosis, wei neh ki District Chief Medical Officer le snem wa kiwi kiwi.
Ka Meghalaya won da booh yaka kam kawi na ki jylla kawa ym em ku ha ki kaam sumaar sukher.
Discussion about this post