Shillong: Da sdang ka ‘State level Workshop on Mathematics for Upper Primary School Teachers of Meghalaya’ heiwa u montri ka chnat i puræ puthi, u Lahkmen Rymbui da man u kam u kongsan ha kani ka Workshop kawa da pynman ha Conference Hall, Shillong College, Shillong.
Ya kani ka Workshop da pynman da ka State Council of Science, Technology & Environment, Meghalaya (SCSTE) wa ka Mathematics Department, Shillong College, Shillong.
Ka thong yong kani ka Workshop toh wow yarap u pynku ya ka kani ka Subject (Mathematics) khnang wow pynsuk ya ki khynnah wa lai skur.
U Lahkmen Rymbui da ong u wa ka Mathematics man ko kawa emkaam bha hei rukom im ki bru man ka sngi. Da ong u wa neidaw wa duna ki khynnah ha ka Mathematics, i yoh marks ki ha kani ka Subject leh duna bha i katwa kamtæ da emkaam bha wow pynman ya kam kini ki Workshop.
Ha kani ka sngi da emlang leh u Member Secretary, SCSTE, u Cyril V. D. Diengdoh wa u Principal, Shillong College, Dr. M. Dey wa kiwi kiwi.
Ki bru chemphang kiwa daw em ha kani ka workshop wa le sngi toh u Head, Division of Educational Kits, NCERT, New Delhi, Dr. Ashutosh K. Wazalwar, Deputy Director, DERT, P. B. Lartang, Associate Professor, Shillong College, S. Kharchandy wa ka Assistant Professor, Shillong College, ka J. Rivulet Gidon.
Discussion about this post